Yuxarı

Almaniya millisinin daha bir futbolçusu Azərbaycan yığması ilə oyunda iştirak etməyəcək

Almaniya millisinin daha bir futbolçusu Azərbaycan yığması ilə oyunda iştirak etməyəcək
28 yaşlı yarımmüdafiəçi zədə üzündən bir ay yaşıl meydanlardan kənarda qalacaq

Bakı. 6 mart. REPORT.AZ/ Almaniya milli komandasının futbolçusu Marko Roys 2018-ci il Dünya çempionatının seçmə mərhələsi çərçivəsində Azərbaycan milli komandası ilə oyunda iştirak etməyəcək. 

"Report"un məlumatına görə, buna səbəb Dortmund "Borussiya"sının 28 yaşlı yarımmüdafiəçisinin Almaniya çempionatının XXIII turunda "Bayer"lə görüşdə zədələnməsidir.

"Borussiya"nın 6:2 hesabı ilə qalib gəldiyi oyunda rəqib futbolçu ilə mübarizə zamanı bud nahiyəsindən xəsarət alan M.Roys 44-cü dəqiqədə Kristian Pluşiçlə əvəzlənib.

Bir ay yaşıl meydanlardan kənarda qalacaq futbolçu martın 8-də Çempionlar Liqasının 1/8 final mərhələsinin cavab oyunu çərçivəsində Portuqaliyanın "Benfika" klubuna qarşı forma geyinməyəcək. O, həmçinin martın 26-da Tofiq Bəhramov adına Respublika stadionunda keçiriləcək Azərbaycan - Almaniya matçında da iştirak etməyəcək.

Qeyd edək ki, Almaniya millisinin və Dortmund "Borussiya"sının digər üzvü Mario Götse də zədə səbəbi ilə Azərbaycanla oyunu buraxacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu xəbər həm də başqa dillərdə mövcuddur:

Tərəfdaşların xəbərləri


Xəbər lenti

Son xəbərlər



Orphus sistemi