Almaniya klubunun yeni baş məşqçisi müəyyənləşib

Bakı. 9 oktyabr. REPORT.AZ/ Almaniyanın "Ştutqart" klubunun yeni baş məşqçisi müəyyənləşib. 

"Report" klubun saytına istinadən xəbər verir ki, komanda almaniyalı Markus Vayntsirlə həvalə olunub. 

44 yaşlı mütəxəssislə 2 illik müqavilə bağlanıb. O, bu postda türkiyəli Tayfun Korkutu əvəzləyib. 

Qeyd edək ki, "Ştutqart" Almaniya Bundesliqasında 7 turdan sonra 5 xalla sonuncu pillədə qərarlaşıb.