Yuxarı
    Bağlamaq

    Aleksey Qay: ​"Qəbələ"də "Çernomorets"dən də yüksək nailiyyət əldə etməyə çalışacağam"

    Azərbaycanın Qəbələ klubunun yeni transferi Aleksey Qay Ukrayna mətbuatına açıqlama verib

    Bakı. 6 yanvar. REPORT.AZ/ Azərbaycanın "Qəbələ" klubunun yeni transferi Aleksey Qay Ukrayna mətbuatına açıqlama verib. "Report"un məlumatına görə, 33 yaşlı yarımmüdafiəçi keçmiş klubu Ukrayna "Çernomorets"ini pis xatirələrlə yada salmaq istəmədiyini bildirib.

    O deyib ki, sonuncu klubu "Çernomorets"də baş vermiş mənfi hallara diqqət ayırmaq niyyətində deyil: "Mən Odessa və "Çernomorets"i həmişə yaxşı xatirələrlə yada salacağam. Klub rəhbərliyinə belə bir komandada oynamağıma şərait yaratdıqları üçün təşəkkür edirəm". 

    Qay "Qəbələ"də də baş məşqçi Roman Qriqorçukun rəhbərliyi altında çalışacaq. 32 yaşlı yarımmüdafiəçi Qriqorçukla birgə həyatında və karyerasında yeni səhifənin açıldığını söyləyib: "Əlbəttə, bizim baş məşqçi olmadan "Çernomorets"də heç nə alınmazdı. Artıq Roman Qriqorçukla bərabər həm həyatımda, həm də karyeramda yeni səhifə açılır. "Qəbələ"də azarkeşlərimizi sevindirməyə, hətta Odessada əldə etdiyimiz nəticələrdən də yaxşısına nail olmağa çalışacağam". 

    Qeyd edək ki, Aleksey Qay "Qəbələ" klubu ilə 1.5 illik müqavilə imzalayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi