Yuxarı
    Bağlamaq

    ​Aleksandr Səmədov "Lokomotiv"in ən yaxşı futbolçusu seçilib

    Ötən mövsüm o, ən yaxşı bombardir olub

    Bakı. 2 iyun. REPORT.AZ/ Rusiyanın "Lokomotiv" klubunun azarkeşləri əslən azərbaycanlı olan yarımmüdafiəçi Aleksandr Səmədovu 2015/2016-cı illər mövsümünün ən yaxşı futbolçusu hesab ediblər.

    "Report" xəbər verir ki, "dəmiryolçular"ın rəsmi saytı və "Vkontakte" sosial şəbəkəsindəki qrupunda aparılan səsvermənin yekunlarına əsasən Səmədov səslərin 36,3 %-ni toplayıb.

    O, ötən mövsüm komandanın cəmi dörd matç buraxan ən yaxşı bombardiri və dağıdıcı futbolçusu olub. Yarımmüdafiəçi Avropa Liqasının qrup mərhələsində 6 oyuna 4 qol vurub, "Fənərbaxça" ilə keçirilən "play-off" üzrə cavab matçında fərqlənib, çempionatın yaz hissəsinin ən yaxşısı olub və Rusiya yığmasının Avropa çempionatına yollanacaq heyətinə düşməyi bacarıb.

    Səsvermədə ikinci yeri hücumçu Bay Ömər Niass (18,3 %), üçüncü yeri qapıçı Marinato Qilerme (13%) tutub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi