Yuxarı

Ağabala Ramazanov: "Bir-birimizi aldatmayaq"

Ağabala Ramazanov: "Bir-birimizi aldatmayaq

"Vurduğum qollara görə sevinirəm. Hesaba gəldikdə isə sizin kimi mən də üzülürəm. Çünki evdə 3 top buraxmaq bizi məyus edir".

"Report"un məlumatına görə, bunu "Səbail"in futbolçusu Ağabala Ramazanov evdə Rumıniya "Universitatya"sına 2:3 hesabı ilə uduzduqları Avropa Liqasının I təsnifat mərhələsinin ilk oyunundan sonra jurnalistlərə açıqlamasında deyib. "Dubl" müəllifi olan hücumçu bildirib ki, səfər oyunu daha ağır keçəcək: "Bir-birimizi aldatmayaq. Rəqibimiz çox güclüdür. Büdcə tərəfdən belə baxsaq, görərik ki, bizdən 5-6 qat üstündürlər. Bilirik ki, səfərdə bu cür rəqiblə çox çətin olacaq. Amma cavab oyununa daha ciddi hazırlaşacağıq. Ən azı, yaxşı mübarizə apararaq, nəticə qazanmağa çalışacağıq".

Ramazanov komanda yoldaşlarının istəksiz çıxış etmələri fikrinə belə reaksiya verib: "Bu, məşqçiyə aiddir. Mənim xarakterimi bilirsiniz. Çalışıram ki, hər qarşılaşmada mübarizə aparım".

Qeyd edək ki, cavab görüşü iyulun 18-də Krayovada keçiriləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi