Yuxarı

AFFA və UNİCEF arasında növbəti müqavilə bağlanılıb

Əməkdaşlıq çərçivəsində uşaq zorakılığının qarşısının alınması mövzusunda maarifləndirmə işləri aparılacaq

Bakı. 20 noyabr. REPORT.AZ/ Bir neçə ildir əməkdaşlıq edən AFFA və UNICEF arasında növbəti müqavilə imzalanıb. "Report"un federasiyanın rəsmi saytına istinadən verdiyi məlumata görə, hazırkı əməkdaşlıq müqaviləsi AFFA-nın 2014-cü ildə qoşulduğu UNICEF-in uşaq zorakılığına qarşı qlobal kampaniyasının davamıdır. 

Əməkdaşlıq çərçivəsində hər iki qurum uşaq zorakılığının qarşısının alınması mövzusunda maarifləndirmə işləri aparacaq.

Noyabrın 17-də Bakı Olimpiya Stadionunda keçirilmiş Azərbaycan – Moldova beynəlxalq yoldaşlıq oyunu zamanı meydançanın ətrafında quraşdırılmış reklam lövhələrində AFFA - UNICEF əməkdaşlığının növbəti mərhələsinin aktivləşdirilməsi öz əksini tapıb. 

Qeyd edək ki, bu gün Ümumdünya Uşaqlar Günüdür. Birləşmiş Millətlər Təşkilatı 1959-cu ilin 20 noyabrında "Uşaq Hüquqları Bəyənnaməsi", 1989-cu ildə isə "Uşaq Hüquqları Konvensiyası" qəbul edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi