AFFA rəsmisi Avropa Liqasının oyununa təyinat alıb

Bakı. 13 noyabr. REPORT.AZ/ AFFA-nın Hakimlər və Hakim-İnspektorlar Komitəsinin sədri Frits Ştuxlik beynəlxalq oyuna təyinat alıb.

“Report” AFFA-nın rəsmi saytına istinadən xəbər verir ki, avstriyalı funksioner Avropa Liqasının qrup mərhələsində Rusiyanın Sankt-Peterburq şəhərindəki eyniadlı stadionda “Zenit” və Danimarkanın “Kopenhagen” komandaları arasındakı matçın hakim-inspektoru olacaq.

Qeyd edək ki, görüş noyabrın 29-da keçiriləcək.