Yuxarı
    Bağlamaq

    AFFA rəsmiləri UEFA-nın seminarında iştirak edəcək

    AFC, CONMEBOL, CONCACAF-ın nümayəndələri də tədbirə qatılacaqlar

    Bakı. 16 sentyabr. REPORT.AZ/ Sentyabrın 21-dən Maltanın Sent Culians şəhərində UEFA-nın bütün üzv assosiasiyalarının nümayəndələrinin iştirakı ilə "Klubların Lisenziyalaşdırılması və Maliyyə Fair Play"i mövzusunda seminar keçiriləcək. 

    "Report"un AFFA-nın rəsmi saytına istinadən verdiyi məlumata görə, UEFA-nın üzvlərindən əlavə, Avropa futbol təşkilatının dəvəti ilə digər Konfederasiyaların (AFC, CONMEBOL, CONCACAF) nümayəndələri də tədbirə qatılacaqlar.

    Azərbaycan AFFA-nın Lisenziyalaşdırma Qrupunun rəhbəri Elçin Məmmədov, lisenziyalaşdırma üzrə ekspertlər Bəhram Dadaşov və Anar Kazımlı təmsil edəcək.

    Seminarda müzakirə olanacaq məsələlər bunlardır:

    Ötən lisenziyalaşdırma mövsümünün icmalı

    - 2016-cı il üzrə Lisenziyalaşdırma üzrə qəbul olunmuş qərarlar və müvafiq nəticələr

    - “3 illik üzvlük qaydası” və xüsusi icazənin tətbiq olunması

    - UEFA-nın Lisenziyalaşdırma üzrə statistik hesabatının təqdimatı

    Lisenziyalaşdırma sisteminin və meyarların müzakirəsi

    - FİFA-nın Klubların Lisenziyalaşdırılması üzrə qaydalarında baş verəcək dəyişikliklərin müzakirəsi

    - Gələcək 2018-2021-cı il dövründə UEFA-nın yarışlarında tətbiq olunacaq dəyişikliklərin Lisenziyalaşdırma və Maliyyə "Fair Play"i sisteminə potensial təsiri

    - Qadın futbolunun inkişafında Lisenziyalaşdırma sisteminin vacibliyi

    - Gənclər Futbolunun İnkişafı Proqramının qiymətləndirilməsi və Futbol Akademiyalarının inkişafı

    - Klubların azarkeşlərlə əlaqələndirici şəxslərinin fəaliyyəti ilə bağlı müzakirələr

    - Klubların əlil azarkeşlərlə əlaqələndirici şəxslərinin fəaliyyəti ilə bağlı müzakirələr

    - Malta Futbol Assosiasiyası tərəfindən tətbiq olunan lisenziyalaşdırma sisteminin icmalı

    Maliyyə "Fair Play"i

    - 2015-16-cı illər ərzində Maliyyə “Fair Play”i üzrə klublarda aparılan monitorinqlər və onların nəticələri

    - Klublara Maliyyə Nəzarəti Orqanının (Club Financial Control Body (CFCB) fəaliyyəti

    UEFA-nın və federasiyaların əməkdaşları arasında ikitərəfli görüşlər və müzakirələr

    Seminar sentyabrın 23-də başa çatacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi