AFFA prezidenti Türkiyə Futbol Federasiyasının prezidenti ilə görüşüb

AFFA-nın prezidenti Rövnəq Abdullayev Türkiyə Futbol Federasiyasının prezidenti Nihat Özdəmirlə görüşüb.

"Report"un məlumatına görə, görüş Rumıniyanın paytaxtı Buxarestdəki AVRO-2020-nin püşkatma mərasimindən sonra gerçəkləşib. R.Abdullayev A qrupunda 2 oyunu Bakı Olimpiya Stadionunda keçirəcək Türkiyə millisinə uğurlar arzulayıb.

Qeyd edək ki, Türkiyə millisi iyunun 17-də Uelslə, iyunun 21-də isə İsveçrə yığması ilə Azərbaycan paytaxtında qarşılaşacaq.