Yuxarı

AFFA Pavel Paşayevin Azərbaycan yığmasına cəlb olunması üçün FİFA-ya müraciət edəcək

Elxan Məmmədov: Müraciəti ali futbol qurumuna sabah göndərəcəyik

Bakı. 5 mart. REPORT.AZ/ AFFA rəhbərliyi hazırda Ukraynanın "Metallurq" (Donetsk) klubunda çıxış edən Pavel Paşayevin Azərbaycan milli komandasına cəlb olunması məqsədilə danışıqlara başlayıb. Bu barədə "Report"a federasiyanın baş katibi Elxan Məmmədov məlumat verib.

E.Məmmədovun  sözlərinə görə, bu məqsədlə Ukrayna Futbol Federasiyasına müraciət edilib. Baş katib sabah FİFA-ya da baş vuracaqlarını açıqlayıb: "Pavel Paşayevin atası azərbaycanlıdır, Bakıda doğulub. Bunu təsdiqləyən pasport əlimizdədir. Biz bütün sənədləri yığaraq, FİFA-ya müraciət edəcəyik ki, onun Azərbaycan yığmasına keçidinə baxılsın. FİFA-nın futbolçuların statusu ilə bağlı Əsasnaməsinin 8-ci bəndinə görə, futbolçu aşağı yaş qrupları üzrə yığmaların heyətində rəsmi matçlarda çıxış edibsə, onun başqa ölkənin əsas millisində oynayıb-oynamamasına FİFA qərar verir. Ona görə də çox güman ki, sabah ali futbol qurumuna da müraciət edəcəyik. FİFA da növbəti 2 həftə ərzində qərar qəbul edəcək".     

Qeyd edək ki, Pavel Paşayev Ukraynanın 17, 19 və 21 yaşadək yığmalarından əlavə, əsas millisində də forma geyinib. Lakin həmin matçlar yoldaşlıq görüşlərinə təsadüf edib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi