Yuxarı

​AFFA "Neftçi"nin məşqçisini cəzalandırıb

Klub 1000 manat cərimələnib

Bakı. 1 mart. REPORT.AZ/ AFFA-nın İntizam Komitəsi "Neftçi"nin qapıçılar üzrə məşqçisi Dmitri Kramarenkonu cəzalandırıb. "Report"un Peşəkar Futbol Liqasının rəsmi saytına istinadən verdiyi məlumata görə, buna səbəb məşqçinin Azərbaycan Premyer Liqasının XXIII turunda səfərdə "Zirə" ilə keçirilmiş matçın ilk hissəsi başa çatdıqdan sonra qaydaları pozduğu üçün texniki zonadan kənarlaşdırılmasıdır.

Klub isə 1000 manat cərimələnib. Eyni məbləği Zirədəki görüşdə və "İnter" – "Qarabağ" matçında meydan sahiblərinin, "Kəpəz" – "Sumqayıt" oyununda isə qonaqların 4 futbolçusu sarı vərəqə ilə cəzalandığı üçün həmin klublar ödəməli olacaq.

Şüvəlanda AZAL və "Rəvan" komandaları arasında keçirilmiş matçın 51-ci dəqiqəsində "təyyarəçilər"in heyətində Qvanzav Maqomedov ikinci sarı vərəqə alaraq meydançadan kənarlaşdırıldığı üçün 1 oyun cəzalanıb, klubu 200 manat ziyana düşüb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi