Yuxarı

​AFFA Məşqçilər Komitəsi ilə müqavilə müddətini artırıb

Bu barədə Vaqif Sadıqov məlumat verib

Bakı. 15 dekabr. REPORT.AZ/ AFFA ilə Məşqçilər Komitəsi arasındakı müqavilə müddəti artırılıb. Bu barədə "Report"a komitə sədri Vaqif Sadıqov məlumat verib.

O bildirib ki, dekabradək olan anlaşma müddəti daha bir il artırılıb. V.Sadıqovun sözlərinə görə, ilin sonunadək üzvlərlə rəhbərlik arasında görüş olacaq: "Rəhbərliklə görüşdən sonra Komitənin 5-ci üzvünü də müzakirə edəcəyik. Siyahıda bir neçə namizədin adı olacaq. İnanıram ki, yeni ildən tam heyətlə - "beş ulduz"la fəaliyyət göstərəcəyik".

Sədr rəhbərlik etdiyi Komitənin qış fasiləsində görəcəyi işlərdən də danışıb. V.Sadıqov qeyd edib ki, rəhbərliklə görüşdə gələn ilin planı təqdim olunacaq. Üstəlik, üzvlər klubların qış toplanışını, 17 yaşadək futbolçulardan ibarət milli komandanın Sankt-Peterburqda keçiriləcək Valentin Qranatkinin xatirəsinə həsr olunmuş turnirini və ölkə xaricinə çıxmayacaq klubların toplanışlarını izləyəcəklər.  

Qeyd edək ki, hazırda AFFA Məşqçilər Komitəsində Vaqif Sadıqovdan başqa, Ağasəlim Mircavadov, Böyükağa Hacıyev və Şakir Qəribov yer alıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi