Yuxarı
    Bağlamaq

    AFFA İntizam Komitəsi "Səbail"in baş məşqçisini 5 oyunluq cəzalandırıb

    Zirə və Kəpəzin futbolçuları da diskvalifikasiya olunub

    Bakı. 16 may. REPORT.AZ/ AFFA İntizam Komitəsinin iclası keçirib. "Report"un məlumatına görə, iclasda Azərbaycan Premyer Liqasından "Səbail"in baş məşqçisi Samir Əliyevlə 2 futbolçuya cəza verilib. 

    Əliyev XXVII turun “Neftçi” ilə səfər matçının 43-cü dəqiqəsində hakimlər briqadasını təhqir etdiyi üçün texniki zonadan kənarlaşdırılıb. İntizam Komitəsi onu 5 oyunluq cəzaya, klubunu 4000 manat cəriməyə məruz qoyub. 

    "Zirə"nin futbolçusu Milan Düriç isə “Kəpəz”lə ev oyununun 9-cu dəqiqəsində aqressiv davranışa görə birbaşa qırmızı vərəqə alıb. Serbiyalı yarımmüdafiəçi 4 oyunluq cəzalanıb, klubu 3200 manat cərimə olunub. 

    Oyunun 80-cı dəqiqəsində isə “Kəpəz”in futbolçusu Kamran Abdullazadə ikinci sarı vərəqə alaraq meydandan kənarlaşdırılıb. Nəticədə Abdullazadə 1 oyunluq cəza, klub 200 manat cərimə ilə üzləşib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi