Yuxarı
    Bağlamaq

    AFFA İntizam Komitəsi "Qarabağ" - "Neftçi" matçında hakimin qərarını ləğv edib

    Qonaq komanda azarkeşlərinə görə ziyana düşüb

    Bakı. 31 yanvar. REPORT.AZ/ AFFA İntizam Komitəsi Azərbaycan Premyer Liqasında XV turun "Qarabağ" - "Neftçi" oyununda baş vermiş olaylarla bağlı qərarlarını açıqlayıb. 

    "Report"un qurumun rəsmi saytına istinadən verdiyi məlumata görə, 20-ci dəqiqədə qonaq komanda azarkeşləri tərəfindən pirotexniki vasitələrdən istifadə edildiyi üçün paytaxt klubu 800 manat cərimələnib.

    67-ci dəqiqədə “Neftçi”nin futbolçusu Rəhman Hacıyevə simuliyasiyaya görə göstərilmiş sarı vərəqə hakimin epizodu düzgün qiymətləndirməməsi səbəbindən ləğv olunub.

    Oyun bitdikdən sonra müəyyən olunub ki, “Neftçi” azarkeşləri tərəfindən stadionun 9 oturacağı sındırılıb və yararsız vəziyyətə düşüb. Dəymiş zərərə uyğun olaraq “Qarabağ” klubunun təqdim edəcəyi məbləğ “Neftçi” tərəfindən ödənilməlidir. 

    Qeyd edək ki, oyun heç-heçə nəticələnib - 1:1.  Görüşü Ramil Diniyev idarə edib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi