Yuxarı
    Bağlamaq

    ​AFFA "İnter" klubuna futbolçusunun yanlış forma ilə meydana çıxması səbəbindən xəbərdarlıq edib

    3 klub cərimələnib

    Bakı. 24 noyabr. REPORT.AZ/ AFFA İntizam Komitəsi Bakının "İnter" klubuna xəbərdarlıq edib. "Report"un məlumatına görə, buna səbəb "bankirlər"in heyətində çıxış edən Nizami Hacıyevin AZAL-la Azərbaycan Premyer Liqası matçının protokolunda qeyd olunduğu kimi 8 deyil, 80 nömrəli forma ilə meydançaya çıxmasıdır.

    Hacıyev 12-ci dəqiqədə hakimin göstərişi ilə formasını dəyişib. Bununla əlaqədər İntizam Komitəsi "İnter"dən hadisəyə cavabdeh şəxslərinin işinə daha məsuliyyətlə yanaşmasını tələb edib.

    Bundan başqa 4 futbolçusu sarı vərəqə ilə cəzalandığı üçün paytaxt klubu 1000 manat cərimələnib. Eyni məbləğdə cəriməni "Sumqayıt" "Qəbələ" ilə matçda, "Zirə" isə "Rəvan"la görüşdə 4 futbolçunun sarı vərəqə ilə cəzalanması səbəbindən ödəyəcək. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi