AFFA İcraiyyə Komitəsinin iclası keçiriləcək

Bakı. 4 oktyabr. REPORT.AZ/ Oktyabrın 5-də, saat 18:00-da, Bakı Olimpiya Stadionunda AFFA-nın İcraiyyə Komitəsinin iclası keçiriləcək. 

"Report"un AFFA-nın rəsmi saytına istinadən verdiyi məlumata görə, iclasın gündəliyinə 3 məsələ daxil edilib:

1. “Region Liqası”nın Əsasnaməsinin layihəsinin müzakirəsi;
2. 2017-2018-ci il mövsümündə UEFA və Premyer Liqa yarışlarında iştirak etmək üçün tətbiq olunacaq Lisenziyalaşdırma Qaydalarında (Buraxılış 2017) dəyişikliklərlə bağlı təkliflər;
3. Digər məsələlər.