Yuxarı

AFFA İcraiyyə Komitəsi üzvlüyünə yeni namizəd irəli sürülüb

Vaqif Sadıqov dünyasını dəyişmiş Ələkbər Məmmədovu əvəzləyə bilər

Bakı. 18 fevral. REPORT.AZ/ AFFA İcraiyyə Komitəsində Ələkbər Məmmədovun vəfatı ilə əlaqədar boşalan üzv yerinə Məşqçilər Komitəsinin sədri Vaqif Sadıqovun namizədliyi irəli sürülüb. 

"Report"un assosiasiyanın rəsmi saytına istinadən verdiyi məlumata görə, V.Sadıqovun namizədliyi "Sumqayıt" klubu tərəfindən Peşəkar Futbol Liqasına (PFL), PFL-dən isə AFFA İcraiyyə Komitəsinə verilib.

Seçki AFFA-nın 2015-ci il martın 6-da təşkil olunacaq növbəti konfransında keçiriləcək. 

Qeyd edək ki, AFFA Nizamnaməsinə əsasən, İcraiyyə Komitəsinin üzvləri assosiasiya üzvü olan təşkilatların müvafiq bölgüsünə uyğun seçilir. Nizamnaməyə əsasən, PFL İcraiyyə Komitəsində 4 üzvlə təmsil olunmalıdır. İcraiyyə Komitəsinin üzvü Ələkbər Məmmədovun vəfatı ilə əlaqədar hazırda PFL İcraiyyə Komitəsində 3 üzvlə təmsil olunur. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi