Yuxarı

AFFA hakimə fiziki təzyiq göstərən "Xəzər Lənkəran"ın baş məşqçisinə 10 oyunluq cəza verib

AFFA-dan məşqçiyə 10 oyunluq cəza

AFFA İntizam Komitəsi U-14 liqasında “Xəzər Lənkəran” – “Masallı” matçında baş verənlərlə bağlı qərarlarını açıqlayıb. 

"Report"un məlumatına görə, noyabrın 10-da keçirilmiş qarşılaşmanın 55-ci dəqiqəsində Lənkəran təmsilçisinin baş məşqçisi İqbal Babayev meydana daxil olaraq hakimə qarşı təhqiredici ifadələr işlədib və fiziki təzyiq göstərib. Bu səbəbdən, İ.Babayev 10 oyunluq cəzalandırılıb.  

Bu vaxt başqa 2 futbolçu - "Masallı"dan Soltan Salmanov və “Xəzər Lənkəran”dan Elmar Məmmədov 55-ci dəqiqədə aqressiv davranışa görə birbaşa qırmızı vərəqə alaraq meydandan qovulub. Bundan 5 dəqiqə əvvəl isə Lənkəran klubunun digər üzvü Rafael Eyvazov referini təhqir edib. Hər 3 oyunluq 2 matçlıq cəzalandırılıb. 

Bir dəqiqə sonra isə “Masallı”nın baş məşqçisi Sehran Babayev meydana daxil olaraq rəqib məşqçiyə qarşı qeyri-etik ifadələr işlədib. Bu isə S.Babayevə 2 oyunluq cəza bahasına başa gəlib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi