Yuxarı
    Bağlamaq

    ABŞ, Kanada və Meksika 2026-cı il dünya çempionatını birgə keçirmək üçün ərizə veriblər

    Qərar 3 ölkənin futbol federasiyasının Nyu-Yorkdakı mətbuat konfransında elan olunub© Courtesy İmage

    Bakı. 10 aprel. REPORT.AZ/ ABŞ, Kanada və Meksika 2026-cı il dünya çempionatını birgə keçirmək üçün ərizə veriblər. 

    "Report"un məlumatına görə, qərar 3 ölkənin futbol federasiyasının Nyu-Yorkdakı mətbuat konfransında elan olunub.

    DÇ-2026-da ümumilikdə 80 qarşılaşma oynanılacaq. Bunlardan 48-i qrup mərhələsinə, 32-si isə "pley-off"a təsadüf edəcək. Layihəyə əsasən, 60 matç ABŞ, hərəyə 10 görüş isə Kanada və Meksika ərazisində keçirilməlidir. ABŞ Futbol Federasiyası ölkə rəhbərliyinin bu layihəyə tam dəstək verəcəyini açıqlayıb.

    Şimali Amerika ərazisində dünya çempionatı sonuncu dəfə 1994-cü ildə ABŞ-da keçirilib. Meksika 1970 və 1986-cı illərdə mundiallara ev sahibliyi edib. Kanada isə heç vaxt buna nail olmayıb.

    Qeyd edək ki, 2026-cı il dünya çempionatında 48 ölkə mübarizə aparacaq. Təşkilatçının adı 2020-ci ilin mayında açıqlanacaq.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi