Yuxarı
    Bağlamaq

    40 yaşlı Françesko Totti: "Bəxtim gətirib ki, gözəl ailəyə, 3 övlada sahibəm"

    Heç vaxt baş məşqçilərə təzyiq göstərməmişəm

    Bakı. 27 sentyabr. REPORT.AZ/ İtaliyanın "Roma" klubunun futbolçusu Françesko Totti 40 illik yubileyi münasibətilə müsahibə verib. 

    "Report"un məlumatına görə, "Sky İtalia"ya danışan kapitan heç vaxt baş məşqçilərə təzyiq göstərmədiyini bildirib. 

    F.Totti komandanın sükanı arxasına keçənlərə hörmətlə yanaşdığı, onların təyinat və göndərilmələrində rolunun olmadığını vurğulayıb: "Heç vaxt baş məşqçilərə təzyiq göstərməmişəm. Təbii ki, diskussiyalarımız olub. Amma hər gün yox. Bunlar da olmasaydı, anormallıq sayılardı. Heç bir baş məşqçini qovub-gətirməmişəm. Hər zaman kollektivin bir hissəsi olmuşam və klubun getdiyi istiqamətdə hərəkət etmişəm". 

    Canlı əfsanə 40 yaşında yalnız futbolu yox, daha qlobal düşünməyə başladığını söyləyib: "Bəxtim gətirib ki, gözəl ailəyə, 3 övlada sahibəm. Düşüncələrimin yarısı ailə, yarısı futbolla bağlıdır".

    Qeyd edək ki, Françesko Totti bütün karyerasını "sarı-qırmızılar"ın heyətində keçirib. Bu müddətdə "Roma"da 15-dən çox baş məşqçi dəyişib. Hazırda komandaya Luçano Spaletti rəhbərlik edir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi