Yuxarı
    Bağlamaq

    Azərbaycanın 19 yaşadək futbolçulardan ibarət millisi Bosniya və Herseqovinaya məğlub olub

    Millinin yeganə qolunu Murad Xaçayev vurub

    Bakı. 6 oktyabr. REPORT.AZ/ Azərbaycanın 19 yaşadək futbolçulardan ibarət milli komandası Avropa çempionatının ilkin seçmə mərhələsində növbəti oyununu keçirib.

    "Report"un məlumatına görə, 5-ci qrupda yer alan yığmanın rəqibi Bosniya və Herseqovina komandası olub. Qarşılaşma Nazim Süleymanovun rəhbərlik etdiyi komandanın 1:2 hesablı məğlubiyyəti ilə başa çatıb. Millinin yeganə qolu Murad Xaçayevin aktivinə yazılıb. Avstriya ilə keçirilmiş ilk oyunda qırmızı vərəqə alan Elvin Dəmirov bu görüşdə meydana çıxmayıb.

    Beləliklə, Avstriyaya 1:4 hesablı məğlubiyyətin ardından, Süleymanovun komandası yenidən uduzaraq, sonuncu pillədə qərarlaşıb. Bosniya və Herseqovina 2 oyundan 6 xal toplayaraq turnir cədvəlinə başçılıq edir. 2-ci turun digər oyununda Avstriya və Litva milliləri üz-üzə gələcək. Oktyabrın 9-da Azərbaycan - Litva, Bosniya və Herseqovina - Avstriya görüşləri keçiriləcək. Hər iki qarşılaşma Bakı vaxtı ilə saat 15:00-da başlayacaq.

    Avropa çempionatı, seçmə mərhələ, II tur

    15:00. Bosniya və Herseqovina - Azərbaycan - 2:1

    Qol: Amar Suljiç, 39. Benjamin hadziç, 81 - Murad Xaçayev, 68

    Baş hakim: Conatan Lardot (Belçika)

    Yan xətt hakimləri: Frederik Qodelayn (Belçika), Vitis Snarskis (Litva)

    Dördüncü hakim: Manfredas Lukyansiukas (Litva)

    Mariyampole. "Mariyampole" klubunun stadionu.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi