​İbrahimoviçin evinin önündə terror aktının qarşısı alınıb

Bakı. 13 yanvar. REPORT.AZ/ İsveç polisi Fransanın PSJ klubunun hücumçusu Zlatan İbrahimoviçin Malmödəki evinin qarşısında döyüş qumbarasını zərərsizləşdirib.

"Report" xəbər verir ki, hüquq-mühafizə orqanları insidentlə bağlı araşdırma aparır.

Heyvan müdafiəçiləri tərəfindən futbolçudan qisas alınma ehtimalına dair fərziyyə nəzərdən keçirilir. İbrahimoviçin yaxınlarından heç kim hadisə zamanı evdə olmayıb.

Xatırladaq ki, bundan əvvəl, futbolçunun sığın ovçusu olmasına dair yayılan məlumat heyvan müdafiəçilərinin hiddətinə səbəb olub.