"Yuventus" 20 yaşlı hücumçu ilə müqavilə bağlayıb

Bakı. 31 yanvar. REPORT.AZ/ İtaliyanın "Askoli" klubunun futbolçusu Rikkardo Orsolini "Yuventus"la müqavilə bağlayıb. "Report"un məlumatına görə, 20 yaşlı hücumçu ilə anlaşma 30 iyun 2021-ci ilədək nəzərdə tutulub.

Transfer məbləği isə 6 milyon avro təşkil edir. "Askoli" oyunçunun Turin komandasında çıxışından asılı olaraq, daha 4 milyon avro qazana bilər. Amma Orsolini mövsümün qalan hissəsini artıq keçmiş klubunda icarə əsasında keçirəcək.

Qeyd edək ki, Rikkardo Orsolini bu mövsüm İtaliya B Seriyasında 22 oyuna 4 qol vurub.