"Sumqayıt" "Şaxtyor"a rəqib olub

Yanvarın 12-də təlim-məşq toplanışı üçün Türkiyənin Antalya bölgəsinə gedəcək "Sumqayıt" klubunun yoxlama görüşlərindəki son rəqibi müəyyənləşib.

"Report"un məlumatına görə, Ayxan Abbasovun rəhbərlik etdiyi komanda yanvarın 25-də Qazaxıstanın "Şaxtyor" (Karaqanda) kollektivi ilə qarşılaşacaq. "Sumqayıt" bu oyunun ertəsi günü Vətənə qayıdacaq.

Qeyd edək ki, "gənclik şəhəri" təmsilçisi bu oyuna qədər Macarıstanın "Kaposvar" (14 yanvar), Rumıniyanın "Politexnika İaşi" (17 yanvar) və Polşanın "Arka" (21 yanvar) klubları ilə üz-üzə gələcək.