Venesuelanın futbol klubunun prezidenti təyyarə qəzasında həlak olub

Venesuelanın “Estudiantes de Merida” futbol klubunun prezidenti Kristian Toni və daha 5 nəfər təyyarə qəzasında həlak olub.

Bu barədə “Report” “Diario 2001” qəzetinə istinadən xəbər verir.

Məlumata görə, “Learjet” markalı kiçik təyyarə Miranda ştatında qəzaya uğrayıb. Axtarış-xilasetmə xidməti bütün sərnişinlər və heyət üzvləri də daxil olmaqla 6 nəfərin həlak olduğunu bildirib.

Venesuela Futbol Federasiyası faciə ilə bağlı başsağlığı verib.

Hadisənin başvermə səbəbləri müəyyənləşdirilir.