Ukrayna və Belarus komandaları avrokuboklarda qarşılaşa bilməyəcəklər

Ukrayna və Belarus klubları, həmçinin iki ölkənin milli komandaları UEFA-nın bayrağı altında keçirilən turnirlərdə bir-birinə rəqib ola bilməyəcəklər.

"Report"un məlumatına görə, bu barədə UEFA İcraiyyə Komitəsi qərar verib. Qadağa növbəti xəbərdarlığadək qüvvədə olacaq.

Qərar Belarusun Rusiyanın Ukraynaya hərbi müdaxiləsinə dəstək verməsi ilə əlaqədar qəbul edilib.