Ukrayna prezidentinə "Real"ın 1 nömrəli forması hədiyyə olunub

Bakı. 5 iyun. REPORT.AZ/ Ukrayna prezidenti Pyotr Poroşenko Madridə səfəri çərçivəsində "Real" klubunun rəhbəri Florentino Pereslə görüşüb.

“Report” xəbər verir ki, Poroşenko Santyaqo Bernabeuda və "Real"ın klub muzeyində olub, "qaymaqlar"ı Çempionlar Liqasında qazanılan 13-cü qələbə münasibəti ilə təbrik edib.

Peres öz növbəsində Ukrayna prezidentinə "Real"ın 1 nömrəli formasını hədiyyə edib.