Mustafa Dənizli oyun zamanı xəstəxanaya yerləşdirilib

Bakı. 4 mart. REPORT.AZ/ Türkiyənin “Kasımpaşa” klubunun baş məşqçisi Mustafa Dənizli xəstəxanaya yerləşdirilib.

“Report” “Hurriyet”ə istinadən xəbər verir ki, Türkiyə Super Liqasının 24-cü turunda evdə “Trabzonspor”la matç zamanı 70 yaşlı mütəxəssisin halı pisləşib.

O, komandası ilə birlikdə görüşün ikinci hissəsinə çıxa bilməyib.

Qarşılaşmada ikinci hissə oynanılır və “Trabzonspor” 2:0 hesabı ilə öndədir.