Türkiyə Super Liqası: Mövsümün son derbisində qalib müəyyənləşməyib

Türkiyə Super Liqası: Mövsümün son derbisində qalib müəyyənləşməyib Futbol üzrə Türkiyə Super Liqasında İstanbul derbisi baş tutub.
Futbol
162
8 May , 2022 22:00
Türkiyə Super Liqası: Mövsümün son derbisində qalib müəyyənləşməyib

Futbol üzrə Türkiyə Super Liqasının 2021/2022 mövsümündə son İstanbul derbisi baş tutub.

"Report"un məlumatına görə, XXXII tura təsadüf edən oyunda "Fənərbağça" "Beşiktaş"ın qonağı olub. "Vodofone Park" stadionunda oynanılan görüşdə qalib müəyyənləşməyib - 1:1.

Qonaqlar 6-cı dəqiqədə erkən qolla hesabı açıblar. Filip Novak qapıçı ilə üzbəüz dueldən qalib ayrılıb. 31-ci dəqiqədə Raşid Gezzal penaltidən fərqlənməklə yekun hesabı müəyyənləşdirib. Meydan sahiblərindən Mişi Batşuayi 9-cu dəqiqədə 11 metrlik cərimə zərbəsindən yararlana bilməyib.

Bu nəticədən sonra xallarını 69-a çatdıran "Fənərbağça" 2-ci pillədəki mövqeyini qoruyub. 55 xalı olan "Beşiktaş" isə 7-ci sırada qərarlaşıb.

Qeyd edək ki, Türkiyə Super Liqasında 2021/2022 mövsümünün qalibi "Trabzonspor" olub.

Son xəbərlər

Orphus sistemi