Türkiyə klubu fikir ayrılığına görə baş məşqçisi ilə yollarını ayırıb

Bakı. 1 oktyabr. REPORT.AZ/ Futbol üzrə Türkiyə Super Liqasında çıxış edən "Kasımpaşa" klubu baş məşqçi Kemal Özdeşlə yollarını ayırıb.

"Report" Ankara təmsilçisinin rəsmi saytına istinadən xəbər verir ki, 48 yaşlı mütəxəssislə rəhbərlik arasında fikir ayrılığı yarandığı üçün bu cür qərar qəbul olunub.

Qeyd edək ki, "Kasımpaşa" mövsümə ardıcıl 4 qələbə ilə başlasa da, son 3 matçda uduzub. Hazırda 12 xalla 5-ci pillədə qərarlaşan komanda son turda "Trabzonspor"la səfər matçında 2:0 hesabı ilə öndə olsa da, yekunda məğlub olub – 2:4.