Türkiyə çempionatının oyununda kuryoz hadisə

Futbol üzrə Türkiyə 1-ci liqasının son turunun "Tuzlaspor" - "Giresunspor" matçında maraqlı hadisə baş verib.

"Report"un məlumatına görə, ev sahibi komandanın heyətində 46-cı dəqiqədə meydana daxil olan Fatih Safran səhvən komanda yoldaşı Ufuk Kadıoğlunun formasını geyinib.

Yalnız 14 dəqiqədən sonra futbolçunun oyuna öz forması ilə çıxmadığını görən qarşılaşmanın baş hakimi Atilla Karaoğlan görüşü saxlayaraq, ona xəbərdarlıq edib. Safran formasını dəyişdikdən sonra yenidən meydana qayıdıb.

Qeyd edək ki, matç qonaqların 2:1 hesablı qələbəsi ilə başa çatıb.

Tuzlaspor'da forma karışıklığı

Tuzlasporlu Fatih Safran, 52 numaralı, 'Ufuk' yazılı formayla sahaya çıktı. Değişiklikten 14 dakika sonra hata fark edilince hakem tarafından kenara gönderildi pic.twitter.com/QDcuU9ZmKG

— beIN SPORTS Türkiye (@beINSPORTS_TR) May 9, 2021