Türkiyə çempionatında meydana ülgüc ilə çıxan oyunçu rəqib futbolçulara xəsarət yetirib - VİDEO

Bakı. 4 mart. REPORT.AZ/ Türkiyənin futbol üzrə III liqasında keçirilən “Amed Sportif Faaliyetler” – “Sakaryaspor” matçında insident baş verib.

“Report” “Yeni Şafak”a istinadən xəbər verir ki, XXIV tura təsadüf edən qarşılaşmada meydana ülgüclə çıxan ev sahibinin oyunçusu Mansur Çalar rəqib futbolçulara xəsarət yetirib. Qonaqların 4 oyuçusunun şikayəti əsasında Diyarbəkir Prokurorluğunun araşdırmaya başladığı bildirilir.

Qeyd edək ki, 1:1 hesabı ilə başa çatan matçda hər iki komandanın futbolçuları arasında bir neçə dəfə mübahisə düşüb.