Braziliyanın "Flamenqo" futbol komandasının baş məşqçisi Jorji Jezuş koronavirusa yoluxub.
"Report"un məlumatına görə, 66 yaşlı mütəxssisin testi müsbət nəticə verib. Portuqaliyalı baş məşqçi şəxsi "Instagram" hesabından xəbəri təsdiqləsə də, hazırda özünü yaxşı hiss etdiyini bildirib: "Heç bir əlamət yoxdur, amma test müsbətdir. Buna görə karantində olacağam. İkinci testin nəticəsini gözləyəcəyəm".
Qeyd edək ki, dünyada bir neçə futbolçu və məşqçilərdə koronavirus aşkarlanıb.