Tahir Gözəl: "Daha güclü heyətin qurulması üçün tapşırıqlar vermişəm"

Tahir Gözəl: "Daha güclü heyətin qurulması üçün tapşırıqlar vermişəm" "Aşdod"la oyunda qazandığımız qələbə və “Qarabağ"ın mərhələ adlaması münasibəti ilə baş məşqçimiz Qurban Qurbanovu, komandamızın bütün futbolçularını, xüsusən azarkeşləri təbrik edirəm. "Aşdod"la oyundakı uğur avrokuboklarda yenə iddialı olduğumuzu göstər
Futbol
1285
31 İyul , 2021 15:22
Tahir Gözəl: Daha güclü heyətin qurulması üçün tapşırıqlar vermişəm
Tahir Gözəl

"Aşdod"la oyunda qazandığımız qələbə və “Qarabağ"ın mərhələ adlaması münasibəti ilə baş məşqçimiz Qurban Qurbanovu, komandamızın bütün futbolçularını, xüsusən azarkeşləri təbrik edirəm. "Aşdod"la oyundakı uğur avrokuboklarda yenə iddialı olduğumuzu göstərdi".

"Report"un məlumatına görə, bu fikirləri "Qarabağ"ın prezidenti Tahir Gözəl klubun rəsmi saytına açıqlamasında deyib.

O bildirib ki, Ali Baş Komandan İlham Əliyevin rəhbərliyi ilə müzəffər ordumuzun sayəsində komanda indi azad Qarabağı, ərazi bütövlüyü tam təmin olunmuş Azərbaycanı təmsil edir: "Bu, bizi daha məsuliyyətli edir. Odur ki, daha güclü heyətin qurulması üçün klubumuzun idarəçilərinə tapşırıqlar vermişəm. Əminəm ki, zamanla daha əzmkar, daha mübariz, daha böyük hədəflər üçün oynayan “Qarabağ” görəcəyik".

Tahir Gözəlin sözlərinə görə, "Qarabağ" klub olaraq böyüüb, təcrübə toplayıb: "Əvvəl biz öyrənirdiksə, indi bizdən nəsə öyrənməyə çalışırlar. "Aşdod"la oyunda bunun şahidi olduq. Qürurla deyə bilərik ki, klubumuz həm də yaxşı idarəçilər yetişdirir. UEFA Konfrans Liqası yeni turnirdir. Burada mərhələ adlayan ilk Azərbaycan komandası olduq. Ümid edirəm, bu uğurun davamını AEL-lə matçlarda da gətirəcəyik. Mənim komandama güvənim sonsuzdur. Yeni turnirdə mümkün olduğu qədər irəliləməyə, Azərbaycanı, Qarabağı böyük qürur hissi ilə təmsil etməyə çalışacağıq".

Qeyd edək ki, "Qarabağ" Konfrans Liqasının III təsnifat mərhələsində Kiprin AEL klubu ilə qarşılaşacaq. Ağdam təmsilçisi ilk oyunu avqustun 5-də səfərdə, cavab görüşünü isə 1 həftə sonra Bakıda keçirəcək.

Son xəbərlər

Orphus sistemi