"Sumqayıt"ın hücumçusu zədələnib

"Sumqayıt" klubu ciddi itki ilə üzləşib.

"Report"un məlumatına görə, "gənclik şəhəri" təmsilçisinin futbolçusu Peyman Babayi sıradan çıxıb.

Dünənki məşqdə ayağından zədələnən iranlı hücumçunun zədəsinin ciddi olduğu güman edilir.

Qeyd edək ki, P.Babayi həmin səbəbdən bu gün "Kapital Bank Arena"da "Qəbələ" ilə keçirilən yoxlama matçında meydana çıxmayıb.