Ramil Şeydayevin çıxış etdiyi Moskva "Dinamo"su ölkə kuboku ilə vidalaşıb

Azərbaycan millisinin futbolçusu Ramil Şeydayevin çıxış etdiyi Moskva "Dinamo"su Rusiya Kuboku ilə erkən vidalaşıb.

"Report"un məlumatına görə, paytaxt təmsilçisi 1/16 finalda səviyyəcə ikinci liqada çıxış edən "Luç" komandası ilə üz-üzə gəlib. Qarşılaşma "Dinamo"nun 0:1 hesablı məğlubiyyəti ilə bitib. 

Qələbədən sonra Vladivostok klubu növbəti mərhələyə yüksəlib, "Dinamo" isə mübarizəni dayandırıb.

Şeydayev görüşə start heyətdə başlayıb və sona qədər meydanda olub.