Səlahət Ağayev: "Növbəti mərhələyə keçəcəyimizə inanıram"

Səlahət Ağayev: "Növbəti mərhələyə keçəcəyimizə inanıram" Qələbə qazanmaq üçün çox yaxşı oynadıq. Meydanda olanlar da, olmayanalar da birgə kollektiv olduqlarını göstərdilər.
Futbol
100
26 İyul , 2019 09:40
Səlahət Ağayev: Növbəti mərhələyə keçəcəyimizə inanıram

"Qələbə qazanmaq üçün çox yaxşı oynadıq. Meydanda olanlar da, olmayanalar da birgə kollektiv olduqlarını göstərdilər".

"Report"un Tulaya ezam olunmuş əməkdaşının verdiyi məlumatına görə, bunu "Neftçi"nin qapıçısı Səlahət Ağayev Rusiyada "Arsenal"ı 1:0 hesabı ilə məğlub etdikləri UEFA Avropa Liqasının II təsnifat mərhələsinin ilk oyunundan sonra deyib.

Oyun ərzində rəqibin bir neçə real qol şansını dəf edə 27 yaşlı qolkiper bildirib ki, cavab qarşılaşması daha çətin olacaq: "Həyəcan yox idi. Yaxşı oynadıq və qələbəni haqq etdik. Bakıda bizi bundan da çətin oyun gözləyir. Növbəti mərhələyə keçəcəyimizə inanıram. Burada 1:0 hesabı ilə qələbə qazansaq da, Bakıda şanslar 50/50-dir. Azarkeşlər sağ olsunlar, burada da bizi tək qoymadılar. Evdə onların sayəsində meydanda 11 yox, 12 nəfər olacağıq".

Qeyd edək ki, cavab görüşü avqustun 1-də "Bakcell Arena"da olacaq.

Son xəbərlər

Orphus sistemi