"Səbail" Şimali Makedoniya yığmasının sabiq üzvü ilə anlaşdı

"Səbail" heyətini yeni futbolçu ilə gücləndirir.

"Report" "Vecer.mk" saytına istinadən xəbər verir ki, klub Şimali Makedoniyadan olan yarımmüdafiəçi Milovan Petroviklə anlaşıb.

Paytaxt təmsilçisinin 31 yaşlı oyunçu ilə müqavilə imzalayacağı gözlənilir.

Qeyd edək ki, Milovan Petrovik son olaraq ölkəsində "Vardar"da çıxış edib. O, 9 dəfə Şimali Makedoniya yığmasının formasını geyinib. "Səbail" daha əvvəl gürcüstanlı hücumçu Luka İmnadzeni transfer edib.