"Səbail" klubu yenə "Keşlə"ni məğlub edib - VİDEO

"Səbail" klubu yenə "Keşlə"ni məğlub edib - VİDEO Bakı. 28 oktyabr. REPORT.AZ/ Futbol üzrə Azərbaycan Premyer Liqasında IX turun daha bir oyunu keçirilib.
Futbol
930
28 Oktyabr , 2018 17:14
Səbail klubu yenə Keşləni məğlub edib - VİDEO

Bakı. 28 oktyabr. REPORT.AZ/ Futbol üzrə Azərbaycan Premyer Liqasında IX turun daha bir oyunu keçirilib.

"Report"un məlumatına görə, "Səbail" komandası "Keşlə"ni qəbul edib. "Bayıl Arena"da təşkil olunmuş qarşılaşma meydan sahiblərinin qələbəsi ilə yekunlaşıb - 2:1.

Aftandil Hacıyevin baş məşqçisi olduğu kollektiv hər iki qolu ilk yarıda vurub. 24-cü dəqiqədə Yevgeni Koçuk Tural Axundova qarşı kobudluğa görə təyin olunmuş penaltini dəqiq yerinə yetirib. Bundan 5 dəqiqə sonra Fəhmin Muradbəyli fərqi artırıb.

İkinci hissədə isə qonaqlar üstün tərəf olublar. Buna 49-cu dəqiqədə Koçukun ikinci sarı vərəqədən sonra azlıqda qalması da təsirsiz ötüşməyib. "Keşlə"nin təsəlli qolunu 90+2-ci dəqiqədə Denis Silva vurub.

Beləliklə, rəqibinə ilk dövrədəki hesabla qalib gələn "Səbail" xallarını 16-ya çatdırıb və "Sabah"la 3-4-cü yerləri bölüşür. 5 xala malik "Keşlə" isə 7-ci pillədə qalıb.

Qeyd edək ki, turun ilk oyun günündə "Sabah" "Zirə"ni 2:1 hesabı ilə yenib. "Sumqayıt" - "Qəbələ" matçında qalib müəyyənləşməyib - 2:2. 

Tura saat 17:00-da başlanan "Neftçi" - "Qarabağ" matçı ilə yekun vurulacaq.

Son xəbərlər

Orphus sistemi