"Səbail" klubu Azərbaycan millisinin futbolçusu ilə müqavilə bağlayıb

Bakı. 11 iyun. REPORT.AZ/ “Səbail” klubu daha bir futbolçunun keçidini rəsmiləşdirib.

Klubun Mətbuat xidmətinin rəhbəri Törə Əhmədovanın “Report”a verdiyi məlumata görə, paytaxt təmsilçisi Azərbaycan milli komandasının futbolçusu Ruslan Qurbanovu heyətinə qatıb.

27 yaşlı yarımmüdafiəçi ilə 1 illik müqavilə bağlanılıb.

Qeyd edək ki, ötən mövsüm "Qəbələ"də çıxış etmiş Ruslan Qurbanov karyerası ərzində "Neftçi", "Sumqayıt", Rusiyanın "Rostov", "Nika", "Taqanroq" və Xorvatiyanın "Hayduk" klublarının da formasını geyinib.