"Səbail"in zədələnən futbolçusu Maykl Essyenin durumuna aydınlıq gəlib

"Səbail" klubunun zədəli futbolçusu Maykl Essyenin durumuna aydınlıq gəlib. 

Klubun mətbuat xidmətindən "Report"a verilən məlumata görə, iki gündür məşq etməyən 37 yaşlı yarımmüdafiəçinin barmağı əzilib. Qanalı oyunçunun sabahdan etibarən məşqlərə başlayacağı ehtimal olunur. 

Qeyd edək ki, Maykl Essyen "Səbail" klubu ilə ötən ay 1,5 illik müqavilə bağlayıb.