Bakı. 14 dekabr. REPORT.AZ/ Kolumbiyadakı təyyarə qəzasında futbolçuları və məşqçiləri dünyasını dəyişən Braziliyanın "Şapokeonse" klubu yenidən yaşıl meydanlara qayıdır.
"Report"un məlumatına görə, komanda yanvarın sonlarında mübarizəyə qoşulacaq.
"Ağ-yaşıllar" ölkə çempionatında yanvarın 29-da "İnternasyonal"la qarşılaşacaq.
Qeyd edək ki, Amerika Kubokunun final görüşü üçün səfərə yollanan komandanın olduğu təyyarə Kolumbiyanın Medelyin şəhərində qəzaya uğrayıb. Qəza nəticəsində komandanın 23 futbolçusu və məşqçiləri dünyasını dəyişib.