"Sabah" ukraynalı futbolçu ilə müqavilə imzalayıb

“Sabah” klubu heyətini yeni futbolçu ilə gücləndirib.

Paytaxt təmsilçisinin Mətbuat Xidmətindən "Report"a verilən məlumata görə, ukraynalı vinger Aleksey Kaşukla mövsümün sonuna kimi müqavilə imzalanıb.

Donetsk “Şaxtyor”unun yetirməsi olan 21 yaşlı oyunçu karyerası ərzində bu klubun əvəzedici komandası və “Mariupol”un (2019-2022) formasını geyinib.

Aleksey Kaşuk həmçinin Ukraynanın U-21 millisinin üzvüdür.