"Sabah” klubunun futbolçusu Azərbaycan millisinə dəvət alıb

Bakı. 4 sentyabr. REPORT.AZ/ Azərbaycanın 21 yaşadək futbolçulardan ibarət komandasına daha bir oyunçu cəlb olunub.

“Report” AFFA-nın saytına istinadən xəbər verir ki, "Sabah” klubunun yarımmüdafiəçisi Eltun Turabov hazırlıq prosesinə qoşulub.

Qeyd edək ki, Rəşad Sadıqovun rəhbərlik etdiyi kollektiv sentyabrın 6-da Avropa çempionatının seçmə mərhələsi çərçivəsində İsrail komandası ilə qarşılaşacaq. “Dalğa Arena”da keçiriləcək oyun saat 21:00-da başlayacaq.