"Sabah" klubu ispaniyalı futbolçu ilə müqavilə imzalayıb

“Sabah” heyətini yeni futbolçu ilə gücləndirib.

Klubun Mətbuat Xidmətindən "Report"a verilən məlumata görə, paytaxt təmsilçisi ispaniyalı müdafiəçi Con İrasaballa anlaşıb.

26 yaşlı oyunçu ilə 1+2 illik müqavilə imzalanıb.

İrasabal karyerası ərzində İspaniyanın “Vitoria” (2017-2018), “Mirandes” (2018-2020), “Lexona” (2019-2020) və “Amorebieta” (2020-2022) klublarında çıxış edib.