Bakı. 9 avqust. REPORT.AZ/ Rusiya milli komandasının futbolçusu Fyodr Smolov klubunu dəyişib.
“Report” xəbər verir ki, 28 yaşlı hücumçu “Krasnodar”dan Moskva “Lokomotiv”inə keçib. Müqavilənin detalları barədə məlumat verilmir.
Qeyd edək ki, Smolov 2017/2018 mövsümündə Rusiya Premyer Liqasının ən yaxşı oyunçusu seçilib. O, 14 qolla bombardirlik yarışında ikinci olub. "Lokomotiv" isə çempionatın qızıl medallarını qazanıb.