Rusiya klubunun oyununda kütləvi dava

Rusiyanın "Krılya Sovetov" komandasının Bosniya və Herseqovina "Borats"ı ilə keçirdiyi yoxlama matçında kütləvi dava düşüb.

"Report" xəbər verir ki, Türkiyənin Antalyada şəhərində təşkil olunmuş görüşün 89-cu dəqiqəsində Samara klubunun futbolçusu rəqibini itəliyib.

Bu hərəkət, demək olar ki, bütün oyunçuların iştirak etdiyi insidentə səbəb olub.

Qeyd edək ki, görüş "Krılya Sovetov"un 1:0 hesablı qələbəsi ilə başa çatıb.