Rusiya klubunun 12 futbolçusu koronavirusa yoluxdu

Rusiya Milli Futbol Liqasının (FNL) 12-ci turundakı "Tom" - "Şinnik" matçı planlaşdırılan vaxtda baş tutmayacaq. 

"Report" yerli mətbuata istinadən xəbər verir ki, "Şinnik" komandasında 12 futbolçunun koronavirus testi müsbət nəticələnib. Yaroslavl təmsilçisi iki həftəlik karantinə alınıb. 

Matçın taleyi ilə bağlı son qərarı Rusiya Futbol İttifaqı verəcək. 

Qeyd edək ki, qarşılaşma sentyabrın 27-də keçirilməli idi.