Rüfət Dadaşovun komandası ABŞ-da növbəti qələbəsini qazandı

Azərbaycan millisinin futbolçusu Rüfət Dadaşovun çıxış etdiyi ABŞ-ın "Finiks Rayzinq" klubu USL çempionatında növbəti oyununu keçirib. 

"Report"un məlumatına görə, komanda "Los-Anceles Qelaksi 2" ilə üz-üzə gəlib. Qarşılaşma "Finiks Rayzinq"in 4:1 hesablı qələbəsi ilə yekunlaşıb. 

Rüfət Dadaşov matça ehtiyatda başlayıb və 67-ci dəqiqədə meydana daxil olub. 

Qeyd edək ki, "Finiks Rayzinq" 8 oyundan sonra 19 xalla B qrupunun lideridir.