Rövnəq Abdullayev: "Türkiyə Bakıdakı oyunlarda azarkeşləri sevindirəcək" - VİDEO

"Türkiyə millisinə uğurlar arzulayıram".

"Report"un məlumatına görə, bunu AFFA prezidenti Rövnəq Abdullayev Azərbaycan yığmasının Türkiyə seçməsinə 1:2 hesabı ilə uduzduğu yoldaşlıq matçından sonra jurnalistlərə açıqlamasında deyib.

Assosiasiya rəhbəri qonşu ölkə komandasının AVRO-2020-də iki matçını Bakıda keçirəcəyini xatırladıb: "İnanırıq ki, Romadan qələbə ilə qayıdacaqlar. Azərbaycanda azarkeşlərlə Türkiyənin qələbələrini izləyəcəyik. Onlara qələbələr arzulayıram. Ümid edirəm ki, Bakıdakı oyunlarda uğurlu çıxış edəcəklər və azarkeşləri sevindirəcəklər".